حكاوى

دستور يا خونا!!!

الدستور يا خونا زمااااان كان مبدأه العدل المطلق لدرجة انه تم جلد ابن الوالى بامر من الخليفة لجلده احد ابناء الرعية ولو وقع هذا الحادث فى زمننا لعده الناس من علامات الساعة

اما دلوقتى فى الزمن المبارك امن ومتانة لوطنى وجمال السطة

نظرة على التاريخ

من كان التاريخ مدخله لن يضل فالتاريخ مرأة الحاضر والمستقبل وبحكم التاريخ الفكرة الوطنية للتغير فاشلة " فشل السنين"

من زمان زمان اوووى لم نسمع ابدا عن رئيس او ملك تخلى عن السلطة تطواعيه فى حياته او ان ثورات هذا الشعب اتت بتغير فالشعب المصرى ثار مرارا وتكرارا ولكن لم تأت اى ثورة شعبية بتغير والثورة الوحيدة اللى اتت بتغير لم تكن ثورة شعبية بل ثورة تمتلك القوة او على الاقل قدر من القوة

وان اى تغيير لا ياتى الا بموت الطغاه .

المهم دلوقتى احنا فى انتخابات شورى وكل الدنيا بتقول متنتخبش الوطنى انتخب المعارضة والمستقلين او حتى الاخوان انا موافق

بس هما فين حد يقولى ؟؟؟

المأساة الحقيقة هى اغراق الشعب فى مستنقع الجهل والفقر والخوف ليترك السلطة والحكم لاهلها هو لاقى ياكل عشان يفكر فى السياسة

2 كيلو لحمة او 20 جنية العيال اولى بيهم اللى نعرفه احسن من اللى منعرفوش على الاقل شبع وممكن يعمل لاخرتة ويبص للغلابة

من 30 سنة بنقول الجملة دى كل انتخابات

وكمان النكسة والهزيمة بتيجى من ضعف الحكومات ودفعها عن نفسها اكثر من دفاعها عن الامة وحرصها على استمرار النظام اكتر من حرصها على شعبها وتمسك الحكام بالجبن والذلة عشان الكرسى

وللاسف نمط الحكم العربى جعل من الحاكم معصوم من الخطأ فلا يسمح لاحد بنتقاده طول ما هو عايش بالطبع بعد ما يموت يضرب بيه المثل فى الجور والظلم

لهذا النفاق اشد من الشرك عند الله

وعلى رأى عمنا محمود السعدنى فئة محتكرة الحكم وتمتلك كل شىء وشعب لا يملك الا صلاة النبى

انا مش هنتخب ولا مبارك ولا البرادعى وجمال ولا ايمن نور انا عايز انتخب

قائد بمعنى الكلمة تقيا , ورعا , صابر , شجاعا, عادلا, كريما سخيا, حليما , حب الجهاد , العفو عند المقدرة, وكان شديد المواظبة على صلاة الجماعة حتى فى احلك الاوقات والمرض ومات ولم يخلف ملكا ولا عقار ولا بستانا

دا صلاح الدين

ومن هنا لحد ما يظهر صلاح الدين انا رئيس جمهورية نفسى عمى قلمى وابويا قرشى بس يا رب الاقيهم

بالاذن يا خونا